ایسے بندوں کو جانتا ہوں میں
جن کا واحد علاج مالش ہے

عزیز فیصل

---

---

ایسی خواہش کو سمجھتا ہوں میں بالکل نیچرل
ڈاکٹر کو شہر کا ہر مرد و زن ال چاہئے

عزیز فیصل

---

---

بیگم سے کہہ رہا تھا یہ کوئی خلا نورد
بیٹھی ہوئی ہے چاند پہ ''گڑیا'' مرے لیے

عزیز فیصل

---

---

کیبل پہ ایک شیف سے جلدی میں سیکھ کر
لائی وہ شملہ مرچ کا حلوہ مرے لیے

عزیز فیصل

---

---

دس بارہ غزلیات جو رکھتا ہے جیب میں
بزم سخن میں ہے وہ نشانی وبال کی

عزیز فیصل

---

---

دے رہے ہیں اس لیے جنگل میں دھرنا جانور
ایک چوہے کو رہائش کے لیے بل چاہیئے

عزیز فیصل

---

---

دو خط بنام زوجہ و جاناں لکھے مگر
دونوں خطوں کا اس سے لفافہ بدل گیا

عزیز فیصل

---

---

ہے کامیابیٔ مرداں میں ہاتھ عورت کا
مگر تو ایک ہی عورت پہ انحصار نہ کر

عزیز فیصل

---

---

عشق میں یہ تفرقہ بازی بہت معیوب ہے
پیار کو شیعہ وہابی اور سنی مت سمجھ

عزیز فیصل

---

---