میں ایک بوری میں لایا ہوں بھر کے مونگ پھلی
کسی کے ساتھ دسمبر کی رات کاٹنی ہے

عزیز فیصل

---

---

ایسے بندوں کو جانتا ہوں میں
جن کا واحد علاج مالش ہے

عزیز فیصل

---

---

کتنی مزاحیہ ہے یہ بوتل کے جن کی بات
آقا اب انقلاب ہے دو چار دن کی بات

عزیز فیصل

---

---

عشق میں یہ تفرقہ بازی بہت معیوب ہے
پیار کو شیعہ وہابی اور سنی مت سمجھ

عزیز فیصل

---

---

ہے کامیابیٔ مرداں میں ہاتھ عورت کا
مگر تو ایک ہی عورت پہ انحصار نہ کر

عزیز فیصل

---

---

دو خط بنام زوجہ و جاناں لکھے مگر
دونوں خطوں کا اس سے لفافہ بدل گیا

عزیز فیصل

---

---

دے رہے ہیں اس لیے جنگل میں دھرنا جانور
ایک چوہے کو رہائش کے لیے بل چاہیئے

عزیز فیصل

---

---

دس بارہ غزلیات جو رکھتا ہے جیب میں
بزم سخن میں ہے وہ نشانی وبال کی

عزیز فیصل

---

---

کیبل پہ ایک شیف سے جلدی میں سیکھ کر
لائی وہ شملہ مرچ کا حلوہ مرے لیے

عزیز فیصل

---

---