sirf us ke honT kaghaz par bana deta hun main
KHud bana leti hai honTon par hansi apni jagah

Anwar Shuoor

---

---

teri aas pe jita tha main wo bhi KHatm hui
ab duniya mein kaun hai mera koi nahin mera

Anwar Shuoor

---

---

tha wada sham ka magar aae wo raat ko
main bhi kiwaD kholne fauran nahin gaya

Anwar Shuoor

---

---

Thahr sakti hai kahan us ruKH-e-taban pe nazar
dekh sakta hai use aadmi band aankhon se

Anwar Shuoor

---

---

tere hote jo jachti hi nahin thi
wo surat aaj KHasi lag rahi hai

Anwar Shuoor

---

---

wo mujh se ruTh na jati to aur kya karti
meri KHataen meri laghzishen hi aisi thin

Anwar Shuoor

---

---

wo rang rang ke chhinTe paDe ki us ke baad
kabhi na phir nae kapDe pahan ke nikla main

Anwar Shuoor

---

---

zamane ke jhamelon se mujhe kya
meri jaan! main tumhaara aadmi hun

Anwar Shuoor

---

---

zindagi ki zaruraton ka yahan
hasraton mein shumar hota hai

Anwar Shuoor

---

---