farishton se bhi achchha main bura hone se pahle tha
wo mujh se intihai KHush KHafa hone se pahle tha

Anwar Shuoor

---

---

go kaThin hai tai karna umr ka safar tanha
lauT kar na dekhunga chal paDa agar tanha

Anwar Shuoor

---

---

go mujhe ehsas-e-tanhai raha shiddat ke sath
kaT di aadhi sadi ek ajnabi aurat ke sath

Anwar Shuoor

---

---

hain pattharon ki zad pe tumhaari gali mein hum
kya aae the yahan isi barsat ke liye

Anwar Shuoor

---

---

aadmi ban ke mera aadamiyon mein rahna
ek alag waza hai darweshi o sultani se

Anwar Shuoor

---

---

hamesha hat mein rahte hain phul un ke liye
kisi ko bhej ke mangwane thoDi hote hain

Anwar Shuoor

---

---

ho gae din jinhen bhulae hue
aaj kal hain wo yaad aae hue

Anwar Shuoor

---

---

is talluq mein nahin mumkin talaq
ye mohabbat hai koi shadi nahin

Anwar Shuoor

---

---

ishq to har shaKHs karta hai 'shuur'
tum ne apna haal ye kya kar liya

Anwar Shuoor

---

---