aam ke peDon ke sare phal sunahre ho gae
is baras bhi rasta kyun ro raha tha dekhte

Ambar Bahraichi

---

---

har phul pe us shaKHs ko patthar the chalane
ashkon se har ek barg ko bharna tha hamein bhi

Ambar Bahraichi

---

---

har ek nadi se kaDi pyas le ke wo guzra
ye aur baat ki wo KHud bhi ek dariya tha

Ambar Bahraichi

---

---

hum pi bhi gae aur salamat bhi hain 'amabar'
pani ki har ek bund mein hire ki kani thi

Ambar Bahraichi

---

---

gae the hum bhi bahr ki tahon mein jhumte hue
har ek sip ke labon mein sirf regzar tha

Ambar Bahraichi

---

---

ek sannaTa bichha hai is jahan mein har taraf
aasman-dar-asman-dar-asman kyun rat-jage hain

Ambar Bahraichi

---

---

ek sahir kabhi guzra tha idhar se 'amabar'
ja-e-hairat ki sabhi us ke asar mein hain abhi

Ambar Bahraichi

---

---

chehron pe zar-posh andhere phaile hain
ab jine ke Dhang baDe hi mahnge hain

Ambar Bahraichi

---

---

ahar sare maidan jit chuka tha wo
ghar lauTa to pal bhar mein hi TuTa tha

Ambar Bahraichi

---

---