darwaza wa kar ke roz nikalta tha
sirf wahi apne ghar ka sarmaya tha
khaDe hue the peD jaDon se kaT kar bhi
tez hawa ka jhonka aane wala tha
usi nadi mein us ke bachche Dub gae
usi nadi ka pani us ka pina tha
sabz qabaen roz luTata tha lekin
KHud us ke tan par bosida kapDa tha
bahar sare maidan jit chuka tha wo
ghar lauTa to pal bhar mein hi TuTa tha
but ki qimat aank raha tha waise wo
mandir mein to puja karne aaya tha
chiKH paDin sari diwaren 'amabar'-ji
main sab se chhup kar kamre mein baiTha tha
Ghazal
Darwaza wa kar ke roz nikalta tha
Ambar Bahraichi