ek shaffaf tabiat wala sahrai
shahr mein rah kar kis darja chaalak hua

Ambar Bahraichi

---

---

ye sach hai rang badalta tha wo har ek lamha
magar wahi to bahut kaamyab chehra tha

Ambar Bahraichi

---

---

us ne har zarre ko tilism-abaad kiya
hath hamare lagi faqat hairani hai

Ambar Bahraichi

---

---

soup ke dane kabutar chug raha tha aur wo
sehn ko mahka rahi thi sunnaten paDhte hue

Ambar Bahraichi

---

---

oz hum jalti hui ret pe chalte hi na the
hum ne sae mein khajuron ke bhi aaram kiya

Ambar Bahraichi

---

---

mera karb meri tanhai ki zinat
main chehron ke jangal ka sannaTa hun

Ambar Bahraichi

---

---

jaane kya soch ke phir in ko rihai de di
hum ne ab ke bhi parindon ko tah-e-dam kiya

Ambar Bahraichi

---

---

jaane kya barsa tha raat charaghon se
bhor samay suraj bhi pani pani hai

Ambar Bahraichi

---

---

jaan dene ka hunar har shaKHs ko aata nahin
sohni ke hath mein kachcha ghaDa tha dekhte

Ambar Bahraichi

---

---