hum jis pe mar rahe hain wo hai baat hi kuchh aur
aalam mein tujh se lakh sahi tu magar kahan

Altaf Hussain Hali

---

---

hum ne awwal se paDhi hai ye kitab aaKHir tak
hum se puchhe koi hoti hai mohabbat kaisi

Altaf Hussain Hali

---

---

hum roz-e-widaa un se hans hans ke hue ruKHsat
rona tha bahut hum ko rote bhi to kya hota

Altaf Hussain Hali

---

---

har samt gard-e-naqa-e-laila buland hai
pahunche jo hausla ho kisi shahsawar ka

Altaf Hussain Hali

---

---

hoti nahin qubul dua tark-e-ishq ki
dil chahta na ho to zaban mein asar kahan

Altaf Hussain Hali

---

---

ek dard ho bas aaTh pahar dil mein ki jis ko
taKHfif dawa se ho na taskin dua se

Altaf Hussain Hali

---

---

ishq sunte the jise hum wo yahi hai shayad
KHud-baKHud dil mein hai ek shaKHs samaya jata

Altaf Hussain Hali

---

---