dariya ko apni mauj ki tughyaniyon se kaam
kashti kisi ki par ho ya darmiyan rahe

the river is concerned with the storms in its domain
the ship as well might get across or in the midst remain

Altaf Hussain Hali

---

---

dhum thi apni parsai ki
ki bhi aur kis se aashnai ki

Altaf Hussain Hali

---

---

dikhana paDega mujhe zaKHm-e-dil
agar tir us ka KHata ho gaya

Altaf Hussain Hali

---

---

dil se KHayal-e-dost bhulaya na jaega
sine mein dagh hai ki miTaya na jaega

Altaf Hussain Hali

---

---

faraghat se duniya mein har dam na baiTho
agar chahte ho faraghat ziyaada

Altaf Hussain Hali

---

---

farishte se baDh kar hai insan banna
magar is mein lagti hai mehnat ziyaada

Altaf Hussain Hali

---

---

aa rahi hai chah-e-yusuf se sada
dost yan thoDe hain aur bhai bahut

Altaf Hussain Hali

---

---

'haali' suKHan mein 'shefta' se mustafid hai
'ghaalib' ka mo'taqid hai muqallid hai 'mir' ka

Altaf Hussain Hali

---

---

hai justuju ki KHub se hai KHub-tar kahan
ab Thaharti hai dekhiye ja kar nazar kahan

Altaf Hussain Hali

---

---