hai qayamat tere shabab ka rang
rang badlega phir zamane ka
Akhtar Shirani
ek din ki baat ho to use bhul jaen hum
nazil hon dil pe roz balaen to kya karen
Akhtar Shirani
ek wo ki aarzuon pe jite hain umr bhar
ek hum ki hain abhi se pashiman-e-arzu!
Akhtar Shirani
in wafadari ke wadon ko ilahi kya hua
wo wafaen karne wale bewafa kyun ho gae
Akhtar Shirani
inhi gham ki ghaTaon se KHushi ka chand niklega
andheri raat ke parde mein din ki raushni bhi hai
Akhtar Shirani
ishq ko naghma-e-ummid suna de aa kar
dil ki soi hui qismat ko jaga de aa ka
Akhtar Shirani
kanTon se dil lagao jo ta-umr sath den
phulon ka kya jo sans ki garmi na sah saken
befriend the thorns for they will be loyal until death
what of these flowers that will wilt with just a burning breath
Akhtar Shirani
kaam aa sakin na apni wafaen to kya karen
us bewafa ko bhul na jaen to kya karen
Akhtar Shirani
KHafa hain phir bhi aa kar chheD jate hain tasawwur mein
hamare haal par kuchh mehrbani ab bhi hoti hai
Akhtar Shirani