kyun chup hain wo be-baat samajh mein nahin aata
ye rang-e-mulaqat samajh mein nahin aata

Ahsan Marahravi

---

---

ek dil hai ek hasrat ek hum hain ek tum
itne gham kam hain jo koi aur gham paida karen

Ahsan Marahravi

---

---

kisi ko bhej ke KHat hae ye kaisa azab aaya
ki har ek puchhta hai nama-bar aaya jawab aaya

Ahsan Marahravi

---

---

kar ke dafn apne parae chal diye
bekasi ka qabr par matam raha

Ahsan Marahravi

---

---

jab mulaqat hui tum se to takrar hui
aise milne se to behtar hai juda ho jaana

Ahsan Marahravi

---

---

ishq ruswa-kun-e-alam wo hai 'ahsan' jis se
nek-namon ki bhi bad-nami o ruswai hai

Ahsan Marahravi

---

---

hamara intiKHab achchha nahin ai dil to phir tu hi
KHayal-e-yar se behtar koi mehman paida ka

Ahsan Marahravi

---

---

hum apni be-qarari-e-dil se hain be-qarar
aamezish-e-sukun hai is iztirab mein

Ahsan Marahravi

---

---

hai wo jab dil mein to kaisi justuju
DhunDne walon ki ghaflat dekhna

Ahsan Marahravi

---

---