girte rahe nujum andhere ki zulf se
shab bhar rahin KHamoshiyan sayon se ham-kana

Adil Mansuri

---

---

hum ko gali ke liye bhi lab hila sakte nahin
ghair ko bosa diya to munh se dikhla kar diya

Adil Mansuri

---

---

aaise Dare hue hain zamane ki chaal se
ghar mein bhi panw rakhte hain hum to sambhaal ka

Adil Mansuri

---

---

hudud-e-waqt se bahar ajab hisar mein hun
main ek lamha hun sadiyon ke intizar mein hun

Adil Mansuri

---

---

jaane kis ko DhunDne daKHil hua hai jism mein
haDDiyon mein rasta karta hua pila buKHa

Adil Mansuri

---

---

jism ki miTTi na le jae baha kar sath mein
dil ki gahrai mein girta KHwahishon ka aabshaa

Adil Mansuri

---

---

jo chup-chap rahti thi diwar par
wo taswir baaten banane lagi

Adil Mansuri

---

---

kab se Tahal rahe hain gareban khol kar
KHali ghaTa ko kya karen barsat bhi to ho

Adil Mansuri

---

---

kab tak paDe rahoge hawaon ke hath mein
kab tak chalega khokhle shabdon ka karoba

Adil Mansuri

---

---