فلفل خال ملاحت کے تصور میں ترے
چرچراہٹ ہے کباب دل بریان میں کیا
عبدالرحمان احسان دہلوی
گلے سے لگتے ہی جتنے گلے تھے بھول گئے
وگرنہ یاد تھیں ہم کو شکایتیں کیا کیا
عبدالرحمان احسان دہلوی
گلے سے لگتے ہی جتنے گلے تھے بھول گئے
وگرنہ یاد تھیں مجھ کو شکایتیں کیا کیا
عبدالرحمان احسان دہلوی
گر ہے دنیا کی طلب زاہد مکار سے مل
دین ہے مطلوب تو اس طالب دیدار سے مل
عبدالرحمان احسان دہلوی
گریباں چاک ہے ہاتھوں میں ظالم تیرا داماں ہے
کہ اس دامن تلک ہی منزل چاک گریباں ہے
عبدالرحمان احسان دہلوی
غنچہ کو میں نے چوما لایا دہن کو آگے
بوسہ نہ مجھ کو دیوے وہ نکتہ یاب کیوں کر
عبدالرحمان احسان دہلوی
اتوار کو آنا ترا معلوم کہ اک عمر
بے پیر ترے ہم نے ہی اطوار کو دیکھا
عبدالرحمان احسان دہلوی
جاں کنی پیشہ ہو جس کا وہ لہک ہے تیرا
تجھ پہ شیریں ہے نہ خسروؔ کا نہ فرہاد کا حق
عبدالرحمان احسان دہلوی
جو پوچھا میں نے دل زلفوں میں جوڑے میں کہاں باندھا
کہا جب چور تھا اپنا جہاں باندھا وہاں باندھا
عبدالرحمان احسان دہلوی