sabhi ko apna samajhta hun kya hua hai mujhe
bichhaD ke tujh se ajab rog lag gaya hai mujhe

Aashufta Changezi

---

---

talash jin ko hamesha buzurg karte rahe
na jaane kaun si duniya mein wo KHazane the

Aashufta Changezi

---

---

sone se jagne ka talluq na tha koi
saDkon pe apne KHwab liye bhagte rahe

Aashufta Changezi

---

---

sawal karti kai aankhen muntazir hain yahan
jawab aaj bhi hum soch kar nahin aae

Aashufta Changezi

---

---

safar to pahle bhi kitne kiye magar is bar
ye lag raha hai ki tujh ko bhi bhul jaenge

Aashufta Changezi

---

---

pahle hi kya kam tamashe the yahan
phir nae manzar uTha laya hun main

Aashufta Changezi

---

---

na ibtida ki KHabar aur na intiha malum
idhar udhar se suna aur bas uDa lae

Aashufta Changezi

---

---

teri KHabar mil jati thi
shahr mein jab aKHbar na the

Aashufta Changezi

---

---

saDak pe chalte hue aankhen band rakhta hun
tere jamal ka aisa maza paDa hai mujhe

Aashufta Changezi

---

---