sanam-parasti karun tark kyunkar ai waiz
buton ka zikr KHuda ki kitab mein dekha
Aagha Akbarabadi
kuchh aisi pila de mujhe ai pir-e-mughan aaj
qainchi ki tarah chalne lagi meri zaban aaj
Aagha Akbarabadi
mai-kasho der hai kya daur chale bismillah
aai hai shisha-o-saghar ki talabgar ghaTa
Aagha Akbarabadi
mai-kashon mein na koi mujh sa namazi hoga
dar-e-mai-KHana pe bichhta hai musalla apna
Aagha Akbarabadi
o sitamgar teri talwar ka dhabba chhaT jae
apne daman ko lahu se mere bhar jaane de
Aagha Akbarabadi
aqib qatl hua us ki tegh-e-abru se
haram-zada tha achchha hua halal hua
Aagha Akbarabadi
ind-mashrab hain kisi se hamein kuchh kaam nahin
dair apna hai na kaba na kalisa apna
Aagha Akbarabadi
wada-e-baada-e-athar ka bharosa kab tak
chal ke bhaTTi pe piyen jura-e-irfan kaisa
Aagha Akbarabadi
tawaf-e-kaba ko kya jaen haj nahin wajib
kalal-KHane ke kuchh din-dar hum bhi hain
Aagha Akbarabadi