in pari-ruyon ki aisi hi agar kasrat rahi
thoDe arsa mein paristan aagara ho jaega

Aagha Akbarabadi

---

---

hamein to un ki mohabbat hai koi kuchh samjhe
hamare sath mohabbat unhen nahin to nahin

Aagha Akbarabadi

---

---

hum na kahte the ki sauda zulf ka achchha nahin
dekhiye to ab sar-e-bazar ruswa kaun hai

Aagha Akbarabadi

---

---

hath donon meri gardan mein hamail kije
aur ghairon ko dikha dije anguTha apna

Aagha Akbarabadi

---

---

do-shaala shaal kashmiri amiron ko mubarak ho
galim-e-kohna mein jaDa faqiron ka basar hoga

Aagha Akbarabadi

---

---

dekho to ek ja pe Thaharti nahin nazar
lapka paDa hai aankh ko kya dekh-bhaal ka

Aagha Akbarabadi

---

---

dekhiye par ho kis tarah se beDa apna
mujh ko tufan ki KHabar dida-e-tar dete hain

Aagha Akbarabadi

---

---

dasht-e-wahshat-KHez mein uryan hai 'agha' aap hi
qasid-e-jaanan ko kya deta jo KHilat mangta

Aagha Akbarabadi

---

---

dar-ba-dar phirne ne meri qadr khoi ai falak
un ke dil mein hi jagah milti jo KHalwat mangta

Aagha Akbarabadi

---

---