tum mohabbat ko khel kahte ho
hum ne barbaad zindagi kar li

Bashir Badr

---

---

zindagi tu ne mujhe qabr se kam di hai zamin
panw phailaun to diwar mein sar lagta hai

Bashir Badr

---

---

andhan sa ek bandha tha rag-o-pai se jism mein
marne ke baad hath se moti bikhar gae

Bashiruddin Ahmad Dehlvi

---

---

hamari zindagi to muKHtasar si ek kahani thi
bhala ho maut ka jis ne bana rakkha hai afsana

Bedam Shah Warsi

---

---

ye chaar din ke tamashe hain aah duniya ke
raha jahan mein sikandar na aur na jam baqi

Bhartendu Harishchandra

---

---

ek silsila hawas ka hai insan ki zindagi
is ek musht-e-KHak ko gham do-jahan ke hain

Chakbast Brij Narayan

---

---

zindagi kya hai anasir mein zuhur-e-tartib
maut kya hai inhin ajza ka pareshan hona

Chakbast Brij Narayan

---

---