ab nahin lauT ke aane wala
ghar khula chhoD ke jaane wala

Akhtar Nazmi

---

---

gham azizon ka hasinon ki judai dekhi
dekhen dikhlae abhi gardish-e-dauran kya kya

Akhtar Shirani

---

---

mahine wasl ke ghaDiyon ki surat uDte jate hain
magar ghaDiyan judai ki guzarti hain mahinon mein

Allama Iqbal

---

---

kyun baDhate ho iKHtilat bahut
hum ko taqat nahin judai ki

Altaf Hussain Hali

---

---

us ke jate hi ye kya ho gai ghar ki surat
na wo diwar ki surat hai na dar ki surat

Altaf Hussain Hali

---

---

chun sham-e-sozan chun zarra hairan ze mehr-e-an-mah bagashtam aaKHir
na nind nainan na ang chainan na aap aawe na bheje patiyan

Ameer Khusrau

---

---

shaban-e-hijran daraaz chun zulf roz-e-waslat chu umr kotah
sakhi piya ko jo main na dekhun to kaise kaTun andheri ratiyan

Ameer Khusrau

---

---