tujh se bichhDun to teri zat ka hissa ho jaun
jis se marta hun usi zahr se achchha ho jaun

Ahmad Kamal Parwazi

---

---

main ne samjha tha ki lauT aate hain jaane wale
tu ne ja kar to judai meri qismat kar di

Ahmad Nadeem Qasmi

---

---

mar jata hun jab ye sochta hun
main tere baghair ji raha hun

Ahmad Nadeem Qasmi

---

---

pa kar bhi to nind uD gai thi
kho kar bhi to rat-jage mile hain

Ahmad Nadeem Qasmi

---

---

KHushk KHushk si palken aur sukh jati hain
main teri judai mein is tarah bhi rota hun

Ahmad Rahi

---

---

kisi ke hijr mein jina muhaal ho gaya hai
kise bataen hamara jo haal ho gaya hai

Ajmal Siraj

---

---

aai hogi kisi ko hijr mein maut
mujh ko to nind bhi nahin aati

Akbar Allahabadi

---

---