duniya to sidhi hai lekin duniya wale
jhuTi sachchi kah ke use bahkate honge

Kalidas Gupta Raza

---

---

hum ki apni rah ka patthar samajhte hain use
hum se jaane kis liye duniya na Thukrai gai

Khursheed Rizvi

---

---

duniya bahut KHarab hai ja-e-guzar nahin
bistar uThao rahne ke qabil ye ghar nahin

Lala Madhav Ram Jauhar

---

---

dekho duniya hai dil hai
apni apni manzil hai

Mahboob Khizan

---

---

koi din aur gham-e-hijr mein shadan ho len
abhi kuchh din mein samajh jaenge duniya kya hai

Mahmood Ayaz

---

---

duniya hai sambhal ke dil lagana
yan log ajab ajab milenge

Meer Hasan

---

---

lai hai kahan mujh ko tabiat ki do-rangi
duniya ka talabgar bhi duniya se KHafa bhi

Midhat-ul-Akhtar

---

---