andheron mein ujale DhunDhta hun
ye husn-e-zan hai ya diwana-pan hai

Wahid Premi

---

---

aashiyan jalne pe buniyaad nai paDti hai
aks-e-taKHrib ko aaina-e-tamir kaho

Wahid Premi

---

---

aazad to barson se hain arbab-e-gulistan
aai na magar taqat-e-parwaz abhi tak

Wahid Premi

---

---

apna nafas nafas hai ki shoala kahen jise
wo zindagi hai aag ka dariya kahen jise

Wahid Premi

---

---

aad taklif ke rahat hai yaqini 'wahid'
raat ka aana hi paigham-e-sahar hota hai

Wahid Premi

---

---

dilon mein zaKHm honTon par tabassum
usi ka nam to zinda-dili hai

Wahid Premi

---

---

ek muddat se isi uljhan mein hun
un ko ya KHud ko kise sajda karun

Wahid Premi

---

---

gul ghunche aaftab shafaq chand kahkashan
aisi koi bhi chiz nahin jis mein tu na ho

Wahid Premi

---

---

hai sham-e-awadh gesu-e-dildar ka partaw
aur subh-e-banaras hai ruKH-e-yar ka partaw

Wahid Premi

---

---