abhi baqi hai bichhaDna us se
na-mukammal ye kahani hai abhi

Tariq Qamar

---

---

ajab gharibi ke aalam mein mar gaya ek shaKHs
ki sar pe taj tha daman mein ek dua bhi na thi

Tariq Qamar

---

---

ek muddat se ye manzar nahin badla 'tariq'
waqt us par hai Thahra hua is par hain hum

Tariq Qamar

---

---

har aadmi wahan masruf qahqahon mein tha
ye aansuon ki kahani kise sunate hum

Tariq Qamar

---

---

is lahje se baat nahin ban paegi
talwaron se kaise kanTe niklenge

Tariq Qamar

---

---

is saliqe se mujhe qatl kiya hai us ne
ab bhi duniya ye samajhti hai ki zinda hun main

Tariq Qamar

---

---

jaise mumkin ho in ashkon ko bachao 'tariq'
sham aai to charaghon ki zarurat hogi

Tariq Qamar

---

---

kaise rishton ko sameTen ye bikharte hue log
TuT jate hain yahi faisla karte hue log

Tariq Qamar

---

---

kisi jawaz ka hona hi kya zaruri hai
agar wo chhoDna chahe to chhoD jae mujhe

Tariq Qamar

---

---