main chahta hun kabhi yun bhi ho ki meri tarah
wo mujh ko DhunDne nikle magar na pae mujhe

Tariq Qamar

---

---

abhi baqi hai bichhaDna us se
na-mukammal ye kahani hai abhi

Tariq Qamar

---

---

koi shikwa na shikayat na wazahat koi
mez se bas meri taswir haTa di us ne

Tariq Qamar

---

---

kisi jawaz ka hona hi kya zaruri hai
agar wo chhoDna chahe to chhoD jae mujhe

Tariq Qamar

---

---

kaise rishton ko sameTen ye bikharte hue log
TuT jate hain yahi faisla karte hue log

Tariq Qamar

---

---

jaise mumkin ho in ashkon ko bachao 'tariq'
sham aai to charaghon ki zarurat hogi

Tariq Qamar

---

---

is saliqe se mujhe qatl kiya hai us ne
ab bhi duniya ye samajhti hai ki zinda hun main

Tariq Qamar

---

---

is lahje se baat nahin ban paegi
talwaron se kaise kanTe niklenge

Tariq Qamar

---

---

har aadmi wahan masruf qahqahon mein tha
ye aansuon ki kahani kise sunate hum

Tariq Qamar

---

---