kinara kar na ai duniya meri hast-e-zabuni se
koi din mein mera raushan sitara hone wala hai

Tariq Naeem

---

---

zamin itni nahin hai ki panw rakh paen
dil-e-KHarab ki zid hai ki ghar banaya jae

Tariq Naeem

---

---

ye virani si yunhi to nahin rahti hai aankhon mein
mere dil hi se koi jada-e-wahshat nikalta hai

Tariq Naeem

---

---

ye KHayal tha kabhi KHwab mein tujhe dekhte
kabhi zindagi ki kitab mein tujhe dekhte

Tariq Naeem

---

---

wo aaina hai to hairat kisi jamal ki ho
jo sang hai to kahin rahguzar mein rakkha jae

Tariq Naeem

---

---

uTha uTha ke tere naz ai gham-e-duniya
KHud aap hi teri aadat KHarab ki hum ne

Tariq Naeem

---

---

tere KHayal ki lau hi safar mein kaam aai
mere charag to lagta tha roe ab roe

Tariq Naeem

---

---

aat ro ro ke guzari hai charaghon ki tarah
tab kahin harf mein tasir nazar aai hai

Tariq Naeem

---

---

koi kab diwar bana hai mere safar mein
KHud hi apne raste ki diwar raha hun

Tariq Naeem

---

---