ab aasman bhi kam paD rahe hain us ke liye
qadam zamin par rakkha tha jis ne Darte hue

Tariq Naeem

---

---

KHush-arzani hui hai is qadar bazar-e-hasti mein
giran jis ko samajhta hun wo kam-qimat nikalta hai

Tariq Naeem

---

---

khol dete hain palaT aane pe darwaza-e-dil
aane wale ka irada nahin dekha jata

Tariq Naeem

---

---

jamal mujh pe ye ek din mein to nahin aaya
hazar aaine TuTe mere sanwarte hue

Tariq Naeem

---

---

e-wajh na badle the musawwir ne irade
main us ke KHayalat mein pahle bhi kahin tha

Tariq Naeem

---

---

ajib dard ka rishta tha sab ke sab roe
shajar gira to parinde tamam shab roe

Tariq Naeem

---

---

ajab nahin dar-o-diwar jaise ho jaen
hum aise log jo KHud se kalam karte hain

Tariq Naeem

---

---

abhi to mansab-e-hasti se main haTa hi nahin
badal gae hain mere doston ke lahje bhi

Tariq Naeem

---

---

abhi phir raha hun main aap-apni talash mein
abhi mujh se mera mizaj hi nahin mil raha

Tariq Naeem

---

---