tabahiyon ka to dil ki gila nahin lekin
kisi gharib ka ye aaKHiri sahaara tha

Taban Ghulam Rabbani

---

---

manzilen rah mein thin naqsh-e-qadam ki surat
hum ne muD kar bhi na dekha kisi manzil ki taraf

Taban Ghulam Rabbani

---

---

mere afkar ki ranaiyan tere dam se
meri aawaz mein shamil teri aawaz bhi hai

Taban Ghulam Rabbani

---

---

nikhar gae hain pasine mein bhig kar aariz
gulon ne aur bhi shabnam se tazgi pai

your cheeks with perspiration are all aglow anew
these flowers are now fresher laden with the dew

Taban Ghulam Rabbani

---

---

ah-e-talab mein kise aarzu-e-manzil hai
shuur ho to safar KHud safar ka hasil hai

Taban Ghulam Rabbani

---

---

shabab-e-husn hai barq-o-sharar ki manzil hai
ye aazmaish-e-qalb-o-nazar ki manzil hai

Taban Ghulam Rabbani

---

---

yaadon ke sae hain na umidon ke hain charag
har shai ne sath chhoD diya hai teri tarah

Taban Ghulam Rabbani

---

---

ye mai-kada hai kalisa o KHanqah nahin
uruj-e-fikr o farogh-e-nazar ki manzil hai

Taban Ghulam Rabbani

---

---

ye chaar din ki rifaqat bhi kam nahin ai dost
tamam umr bhala kaun sath deta hai

Taban Ghulam Rabbani

---

---