shaiKH kuchh apne-ap ko samjhen
mai-kashon ki nazar mein kuchh bhi nahin

Sharaf Mujaddidi

---

---

jis ko chaha tu ne us ko mil gaya
warna tujh ko pane wala kaun tha

Sharaf Mujaddidi

---

---

kam-sini jin ki hamein yaad hai aur kal ki hi baat
aaj unhen dekhiye kya ho gae kya se baDh ka

Sharaf Mujaddidi

---

---

pamaliyon ka zina hai arsh se bhi uncha
dil us ki rah mein hai kya sarfaraaz mera

Sharaf Mujaddidi

---

---

parsa ban ke su-e-mai-KHana
sar jhukae hue hum jate hain

Sharaf Mujaddidi

---

---

qadmon pe gira to haT ke bole
andha hai to dekhta nahin hai

Sharaf Mujaddidi

---

---

tasawwur ne tere aabaad jab se ghar kiya mera
nikalta hi nahin din raat apne ghar mein rahta hai

Sharaf Mujaddidi

---

---

ushshaq ke aage na laDa ghairon se aankhen
Dar hai ki na ho jae laDai tere dar pa

Sharaf Mujaddidi

---

---

teri aankhen jise chahen use apna kar len
kash aisa hi sikha den koi afsun mujh ko

Sharaf Mujaddidi

---

---