is parde mein ye husn ka aalam hai ilahi
be-parda wo ho jaen to kya jaaniye kya ho

Sharaf Mujaddidi

---

---

aalam-e-ishq mein allah-re nazar ki wusat
nuqta-e-wahm hua gumbad-e-gardun mujh ko

Sharaf Mujaddidi

---

---

hazrat-e-naseh bhi mai pine lage
ab mujhe samjhane wala kaun tha

Sharaf Mujaddidi

---

---

hairat mein hun ilahi kyun-kar ye KHatm hoga
kotah roz-e-mahshar qissa daraaz mera

Sharaf Mujaddidi

---

---

ek ko ek nahin rashk se marne deta
ye naya kucha-e-qatil mein tamasha dekha

Sharaf Mujaddidi

---

---

duKHt-e-raz zahid se boli mujh se ghabraate ho kyun
kya tumhin ho pak-daman parsa main bhi to hun

Sharaf Mujaddidi

---

---

duKHt-e-raz aur tu kahan milti
khinch lae sharab-KHane se

Sharaf Mujaddidi

---

---

dil mein mere jigar mein mere aankh mein meri
har ja hai dost aur nahin milti hai ja-e-dost

Sharaf Mujaddidi

---

---

allah allah KHususiyyat-e-zat-e-hasnain
sari ummat ke hain poton se nawase baDh ka

Sharaf Mujaddidi

---

---