mujhe girna hai to main apne hi qadmon mein girun
jis tarah saya-e-diwar pe diwar gire

Shakeb Jalali

---

---

'shakeb' apne taaruf ke liye ye baat kafi hai
hum us se bach ke chalte hain jo rasta aam ho jae

Shakeb Jalali

---

---

ahta tha samne tera chehra khula hua
paDhta tha main kitab yahi har class mein

Shakeb Jalali

---

---

pyar ki jot se ghar ghar hai charaghan warna
ek bhi shama na raushan ho hawa ke Dar se

Shakeb Jalali

---

---

na itni tez chale sar-phiri hawa se kaho
shajar pe ek hi patta dikhai deta hai

Shakeb Jalali

---

---

malbus KHush-numa hain magar jism khokhle
chhilke saje hon jaise phalon ki dukan pa

Shakeb Jalali

---

---

log dete rahe kya kya na dilase mujh ko
zaKHm gahra hi sahi zaKHm hai bhar jaega

Shakeb Jalali

---

---

log dushman hue usi ke 'shakeb'
kaam jis mehrban se nikla

Shakeb Jalali

---

---

socho to silwaTon se bhari hai tamam ruh
dekho to ek shikan bhi nahin hai libas mein

Shakeb Jalali

---

---