'shakeb' apne taaruf ke liye ye baat kafi hai
hum us se bach ke chalte hain jo rasta aam ho jae

Shakeb Jalali

---

---

kya kahun dida-e-tar ye to mera chehra hai
sang kaT jate hain barish ki jahan dhaar gire

Shakeb Jalali

---

---

tu ne kaha na tha ki main kashti pe bojh hun
aankhon ko ab na Dhanp mujhe Dubte bhi dekh

Shakeb Jalali

---

---

utar ke naw se bhi kab safar tamam hua
zamin pe panw dhara to zamin chalne lagi

Shakeb Jalali

---

---

wahan ki raushniyon ne bhi zulm Dhae bahut
main us gali mein akela tha aur sae bahut

Shakeb Jalali

---

---

waqt ki Dor KHuda jaane kahan se TuTe
kis ghaDi sar pe ye laTki hui talwar gire

Shakeb Jalali

---

---

waqt ne ye kaha hai ruk ruk kar
aaj ke dost kal ke begane

Shakeb Jalali

---

---

wo alwidaa ka manzar wo bhigti palken
pas-e-ghubar bhi kya kya dikhai deta hai

Shakeb Jalali

---

---

ye ek abr ka TukDa kahan kahan barse
tamam dasht hi pyasa dikhai deta hai

Shakeb Jalali

---

---