phaD kar KHat us ne qasid se kaha
koi paigham zabani aur hai

Sardar Genda Singh Mashriqi

---

---

kali ghaTa kab aaegi fasl-e-bahaar mein
aankhen safed ho gain is intizar mein

Sardar Genda Singh Mashriqi

---

---

KHayal-e-naf mein zulfon ne mushkin bandh din meri
shanawar kis tarah girdab se be-dast-o-pa nikle

Sardar Genda Singh Mashriqi

---

---

khola darwaza samajh kar mujh ko ghair
kha gae dhoka meri aawaz se

Sardar Genda Singh Mashriqi

---

---

kis se dun tashbih main zulf-e-musalsal ko teri
fikr hai kotah aur mazmun bahut hai dur ka

Sardar Genda Singh Mashriqi

---

---

laTakte dekha sine par jo tere tar-e-gesu ko
use diwane wahshat mein tera band-e-qaba samjhe

Sardar Genda Singh Mashriqi

---

---

maza dekha kisi ko ai pari-ru munh lagane ka
ab aaina bhi kahta hai ki main madd-e-muqabil hun

Sardar Genda Singh Mashriqi

---

---

na chalo mujh se tum raqibo chaal
ungliyon par tumhein nacha dunga

Sardar Genda Singh Mashriqi

---

---

zahid meri samajh mein to donon gunah hain
tu but-shikan hua jo main tauba-shikan hua

Sardar Genda Singh Mashriqi

---

---