sau bar aai honTon pe jhuTi hansi magar
ek bar bhi na dil se kabhi muskura sake

Salam Sandelvi

---

---

KHushi ke phul khile the tumhaare sath kabhi
phir is ke baad na aaya bahaar ka mausam

Salam Sandelvi

---

---

kya isi ko bahaar kahte hain
lala-o-gul se KHun Tapakta hai

Salam Sandelvi

---

---

mata-e-gham mere ashkon hi tak nahin mahdud
inhin mein TuTe sitaron ko bhi shumar karo

Salam Sandelvi

---

---

mujh ko to KHun-e-dil hi pina hai
dast-e-saqi mein gar hai jam to kya

Salam Sandelvi

---

---

ah-e-hayat chamak uTThe kahkashan ki tarah
agar charagh-e-mohabbat koi jala ke chale

Salam Sandelvi

---

---

tira-o-tar fazaon mein jiya hun ab tak
nikhat-o-nur ke ayyam ki hasrat hi rahi

Salam Sandelvi

---

---

yun baghban ne mohr laga di zaban par
rudad-e-gham nasib ke mare na kah sake

Salam Sandelvi

---

---

ye to malum hai un tak na sada pahunchegi
jaane kya soch ke aawaz diye jata hun

Salam Sandelvi

---

---