سو بار آئی ہونٹوں پہ جھوٹی ہنسی مگر
اک بار بھی نہ دل سے کبھی مسکرا سکے

سلام سندیلوی

---

---

خوشی کے پھول کھلے تھے تمہارے ساتھ کبھی
پھر اس کے بعد نہ آیا بہار کا موسم

سلام سندیلوی

---

---

کیا اسی کو بہار کہتے ہیں
لالہ و گل سے خوں ٹپکتا ہے

سلام سندیلوی

---

---

متاع غم مرے اشکوں ہی تک نہیں محدود
انہیں میں ٹوٹے ستاروں کو بھی شمار کرو

سلام سندیلوی

---

---

مجھ کو تو خون دل ہی پینا ہے
دست ساقی میں گر ہے جام تو کیا

سلام سندیلوی

---

---

رہ حیات چمک اٹھے کہکشاں کی طرح
اگر چراغ محبت کوئی جلا کے چلے

سلام سندیلوی

---

---

تیرہ و تار فضاؤں میں جیا ہوں اب تک
نکہت و نور کے ایام کی حسرت ہی رہی

سلام سندیلوی

---

---

یوں باغباں نے مہر لگا دی زبان پر
روداد غم نصیب کے مارے نہ کہہ سکے

سلام سندیلوی

---

---

یہ تو معلوم ہے ان تک نہ سدا پہنچے گی
جانے کیا سوچ کے آواز دیئے جاتا ہوں

سلام سندیلوی

---

---