aao ek sajda karen aalam-e-madhoshi mein
log kahte hain ki 'saghar' ko KHuda yaad nahin

Saghar Siddiqui

---

---

aaj phir bujh gae jal jal ke umidon ke charagh
aaj phir taron bhari raat ne dam toD diya

Saghar Siddiqui

---

---

ab apni haqiqat bhi 'saghar' be-rabt kahani lagti hai
duniya ki haqiqat kya kahiye kuchh yaad rahi kuchh bhul gae

Saghar Siddiqui

---

---

ab kahan aisi tabiat wale
choT kha kar jo dua karte the

Saghar Siddiqui

---

---

ab na aaenge ruThne wale
dida-e-ashk-bar chup ho ja

Saghar Siddiqui

---

---

ai adam ke musafiro hoshiyar
rah mein zindagi khaDi hogi

Saghar Siddiqui

---

---

ai dil-e-be-qarar chup ho ja
ja chuki hai bahaar chup ho ja

Saghar Siddiqui

---

---

e-saKHta bikhar gai jalwon ki kaenat
aaina TuT kar teri angDai ban gaya

Saghar Siddiqui

---

---

huli hui sada hun mujhe yaad kijiye
tum se kahin mila hun mujhe yaad kijiye

Saghar Siddiqui

---

---