ye kinaron se khelne wale
Dub jaen to kya tamasha ho

Saghar Siddiqui

---

---

zindagi jabr-e-musalsal ki tarah kaTi hai
jaane kis jurm ki pai hai saza yaad nahin

Saghar Siddiqui

---

---

zulf-e-barham ki jab se shanasa hui
zindagi ka chalan mujrimana hua

Saghar Siddiqui

---

---

chhalke hue the jam pareshan thi zulf-e-yar
kuchh aise hadsat se ghabra ke pi gaya

Saghar Siddiqui

---

---

aaj phir bujh gae jal jal ke umidon ke charagh
aaj phir taron bhari raat ne dam toD diya

Saghar Siddiqui

---

---

ab apni haqiqat bhi 'saghar' be-rabt kahani lagti hai
duniya ki haqiqat kya kahiye kuchh yaad rahi kuchh bhul gae

Saghar Siddiqui

---

---

ab kahan aisi tabiat wale
choT kha kar jo dua karte the

Saghar Siddiqui

---

---

ab na aaenge ruThne wale
dida-e-ashk-bar chup ho ja

Saghar Siddiqui

---

---

ai adam ke musafiro hoshiyar
rah mein zindagi khaDi hogi

Saghar Siddiqui

---

---