hum banaenge yahan 'saghar' nai taswir-e-shauq
hum taKHayyul ke mujaddid hum tasawwur ke imam

Saghar Siddiqui

---

---

huron ki talab aur mai o saghar se hai nafrat
zahid tere irfan se kuchh bhul hui hai

Saghar Siddiqui

---

---

jab jam diya tha saqi ne jab daur chala tha mahfil mein
ek hosh ki saat kya kahiye kuchh yaad rahi kuchh bhul gae

Saghar Siddiqui

---

---

jhilmilate hue ashkon ki laDi TuT gai
jagmagati hui barsat ne dam toD diya

Saghar Siddiqui

---

---

jin se afsana-e-hasti mein tasalsul tha kabhi
un mohabbat ki riwayat ne dam toD diya

Saghar Siddiqui

---

---