ab kahan dost milen sath nibhane wale
sab ne sikhe hain ab aadab zamane wale

Sada Ambalvi

---

---

apni urdu to mohabbat ki zaban thi pyare
ab siyasat ne use joD diya mazhab se

Sada Ambalvi

---

---

aDa ghaTe ka sauda hai 'sada' ye sans lena bhi
baDhe hai umr jyun-jyun zindagi kam hoti jati hai

Sada Ambalvi

---

---

chalo ki hum bhi zamane ke sath chalte hain
nahin badalta zamana to hum badalte hain

Sada Ambalvi

---

---

de gaya KHub saza mujh ko koi kar ke muaf
sar jhuka aise ki ta-umr uThaya na gaya

Sada Ambalvi

---

---

dil jalao ya diye aankhon ke darwaze par
waqt se pahle to aate nahin aane wale

Sada Ambalvi

---

---

dil ko samjha len abhi se to munasib hoga
ek na ek roz to wade se mukarna hai use

Sada Ambalvi

---

---

hamein na ras zamane ki mahfilen aai
chalo ki chhoD ke ab is jahan ko chalte hain

Sada Ambalvi

---

---

ek na ek roz rifaqat mein badal jaegi
dushmani ko bhi saliqe se nibhate jao

Sada Ambalvi

---

---