na zikr gul ka kahin hai na mahtab ka hai
tamam shahr mein charcha tere shabab ka hai

Sada Ambalvi

---

---

mohabbat ke marizon ka mudawa hai zara mushkil
utarta hai 'sada' un ka buKHar aahista aahista

Sada Ambalvi

---

---

ab kahan dost milen sath nibhane wale
sab ne sikhe hain ab aadab zamane wale

Sada Ambalvi

---

---

kyun sada pahne wo tera hi pasandida libas
kuchh to mausam ke mutabiq bhi sanwarna hai use

Sada Ambalvi

---

---

kaun aaega bhul kar rasta
dil ko kyun zid hai ghar sajaane ki

Sada Ambalvi

---

---

ek na ek roz rifaqat mein badal jaegi
dushmani ko bhi saliqe se nibhate jao

Sada Ambalvi

---

---

hamein na ras zamane ki mahfilen aai
chalo ki chhoD ke ab is jahan ko chalte hain

Sada Ambalvi

---

---

dil ko samjha len abhi se to munasib hoga
ek na ek roz to wade se mukarna hai use

Sada Ambalvi

---

---

dil jalao ya diye aankhon ke darwaze par
waqt se pahle to aate nahin aane wale

Sada Ambalvi

---

---