de gaya KHub saza mujh ko koi kar ke muaf
sar jhuka aise ki ta-umr uThaya na gaya

Sada Ambalvi

---

---

chalo ki hum bhi zamane ke sath chalte hain
nahin badalta zamana to hum badalte hain

Sada Ambalvi

---

---

aDa ghaTe ka sauda hai 'sada' ye sans lena bhi
baDhe hai umr jyun-jyun zindagi kam hoti jati hai

Sada Ambalvi

---

---

apni urdu to mohabbat ki zaban thi pyare
ab siyasat ne use joD diya mazhab se

Sada Ambalvi

---

---