aah karta hun to aate hain pasine un ko
nala karta hun to raaton ko wo Dar jate hain

Saail Dehlvi

---

---

guman kis par karen sufi idhar hai us taraf waiz
KHuda rakkhe mohalle mein sabhi allah wale hain

Saail Dehlvi

---

---

hain e'tibar se kitne gire hue dekha
isi zamane mein qisse isi zamane ke

Saail Dehlvi

---

---

hamesha KHun-e-dil roya hun main lekin saliqe se
na qatra aastin par hai na dhabba jaib o daman pa

Saail Dehlvi

---

---

janab-e-shaiKH mai-KHane mein baiThe hain barahna-sar
ab un se kaun puchhe aap ne pagDi kahan rakh di

Saail Dehlvi

---

---

jhaDi aisi laga di hai mere ashkon ki barish ne
daba rakkha hai bhadon ko bhula rakkha hai sawan ko

Saail Dehlvi

---

---

KHat-e-shauq ko paDh ke qasid se bole
ye hai kaun diwana KHat likhne wala

Saail Dehlvi

---

---

khil gai shama teri sari karamat-e-jamal
dekh parwane kidhar khol ke par jate hain

Saail Dehlvi

---

---

malum nahin kis se kahani meri sun li
bhata hi nahin ab unhen afsana kisi ka

Saail Dehlvi

---

---