mohtasib tasbih ke danon pe ye ginta raha
kin ne pi kin ne na pi kin kin ke aage jam tha

Saail Dehlvi

---

---

tum aao marg-e-shadi hai na aao marg-e-nakaami
nazar mein ab rah-e-mulk-e-adam yun bhi hai aur yun bhi

Saail Dehlvi

---

---

tumhein parwa na ho mujh ko to jins-e-dil ki parwa hai
kahan DhunDun kahan phenki kahan dekhun kahan rakh di

Saail Dehlvi

---

---

ye masjid hai ye mai-KHana tajjub is par aata hai
janab-e-shaiKH ka naqsh-e-qadam yun bhi hai aur yun bhi

Saail Dehlvi

---

---