aisa kisi se junun dast-o-gareban na ho
chaak-e-gareban ka bhi chaak gareban kiya

Raza Azimabadi

---

---

chala hai kabe ko but-KHane se 'raza' yaro
kisi ne aisa KHudai-KHarab dekha hai

Raza Azimabadi

---

---

dekhi thi ek raat teri zulf KHwab mein
phir jab talak jiya main pareshan hi raha

Raza Azimabadi

---

---

gar gareban siya to kya naseh
sine ka chaak bin siya hi raha

Raza Azimabadi

---

---

hum ko mili hai ishq se ek aah-e-soz-nak
wo bhi usi ki garmi-e-bazar ke liye

Raza Azimabadi

---

---

ek dam ke waste na kiya kya kya ai 'raza'
dekha chhupaya toDa banaya kaha suna

Raza Azimabadi

---

---

ilahi chashm-e-bad us se tu dur hi rakhiyo
ki mast saKHt hun main aur ayagh nazuk-ta

Raza Azimabadi

---

---

imarat dair o masjid ki bani hai inT o patthar se
dil-e-virana ki kis chiz se tamir hoti hai

Raza Azimabadi

---

---

is chashm o dil ne kahna na mana tamam umr
hum par KHarabi lai ye ghar hi ki phuT-phaT

Raza Azimabadi

---

---