سب کچھ پڑھایا ہم کو مدرس نے عشق کے
ملتا ہے جس سے یار نہ ایسی پڑھائی بات

رضا عظیم آبادی

---

---

خواہ کافر مجھے کہہ خواہ مسلمان اے شیخ
بت کے ہاتھوں میں بکا یا ہوں خدا کی سوگند

رضا عظیم آبادی

---

---

کس طرح رضاؔ تو نہ ہو دھوانے زمانہ
جب دل سا تری بیٹھا ہو بدنام بغل میں

رضا عظیم آبادی

---

---

کیا کہیں اپنی سیہ بختی ہی کا اندھیر ہے
ورنہ سب کی ہجر کی رات ایسی کالی بھی نہیں

رضا عظیم آبادی

---

---

نہ کعبہ ہے یہاں میرے نہ ہے بت خانہ پہلو میں
لیا کس گھر بسے نے آہ آ کر خانہ پہلو میں

رضا عظیم آبادی

---

---

نو مشق عشق ہیں ہم آہیں کریں عجب کیا
گیلی جلے گی لکڑی کیوں کر دھواں نہ ہوگا

رضا عظیم آبادی

---

---

رفو پھر کیجیو پیراہن یوسف کو اے خیاط
سیا جائے تو سی پہلے تو چاک دل زلیخا کا

رضا عظیم آبادی

---

---

سنتے تو تھے رضاؔ ہیں سب ہیں بڑے مسلماں
پر کفر میں زیادہ نکلے وہ برہمن سے

رضا عظیم آبادی

---

---

زخم کے لگتے ہی کیا کھل گئے چھاتی کے کواڑ
آگے یہ خانۂ دلچسپ ہوا دار نہ تھا

رضا عظیم آبادی

---

---