qimti shai thi tera hijr uThae rakkha
warna sailab mein saman kahan dekhte hain

Rana Amir Liyaqat

---

---

manus raushni hui mere makan se
wo jism jab nikal gaya resham ke than se

Rana Amir Liyaqat

---

---

main haw-hu pe kahani ko KHatm kar dunga
ye aam baat nahin hai, ise KHabar liya jae

Rana Amir Liyaqat

---

---

main jaanta hun mohabbat mein kya nahin karna
ye wo jagah hai jahan qais bhi phisalta hai

Rana Amir Liyaqat

---

---

main us ki nazron ka kuchh is liye bhi hun qail
wo jis ko chahe use dekhna sikhata hai

Rana Amir Liyaqat

---

---

mohabbaton ke liye umr kam hai so wo shaKHs
sabhi shikayaten kuchh din idhar udhar kar de

Rana Amir Liyaqat

---

---

nukta yahi azal se paDhaya gaya hamein
hawwa barae-husn hai aadam barae-ishq

Rana Amir Liyaqat

---

---

use pata hai kahan hath thamna hai mera
use pata hai kahan peD sukh jata hai

Rana Amir Liyaqat

---

---

zindagi dekh teri KHas riayat hogi
ek mohabbat hai mere pas agar karne de

Rana Amir Liyaqat

---

---