main us ki nazron ka kuchh is liye bhi hun qail
wo jis ko chahe use dekhna sikhata hai

Rana Amir Liyaqat

---

---

main jaanta hun mohabbat mein kya nahin karna
ye wo jagah hai jahan qais bhi phisalta hai

Rana Amir Liyaqat

---

---

main haw-hu pe kahani ko KHatm kar dunga
ye aam baat nahin hai, ise KHabar liya jae

Rana Amir Liyaqat

---

---

manus raushni hui mere makan se
wo jism jab nikal gaya resham ke than se

Rana Amir Liyaqat

---

---

aao aankhen mila ke dekhte hain
kaun kitna udas rahta hai

Rana Amir Liyaqat

---

---

kai tarah ke tahaif pasand hain us ko
magar jo kaam yahan phul se nikalta hai

Rana Amir Liyaqat

---

---

is daur-e-na-murad se ye tajraba hua
diwar guftugu ke liye behtarin hai

Rana Amir Liyaqat

---

---

inT se inT joD kar, KHwab bana raha hun main
raKHne na Dal mere yar' KHwab ki dekh-bhaal mein

Rana Amir Liyaqat

---

---

hazar raste tere hijr ke ilaj ke hain
hum ahl-e-ishq zara muKHtalif mizaj ke hain

Rana Amir Liyaqat

---

---