aaj junun ke Dhang nae hain
teri gali bhi chhuT na jae

Qabil Ajmeri

---

---

aaj 'qabil' mai-kade mein inqalab aane ko hai
ahl-e-dil andesha-e-sud-o-ziyan tak aa gae

Qabil Ajmeri

---

---

ab ye aalam hai ki gham ki bhi KHabar hoti nahin
ashk bah jate hain lekin aankh tar hoti nahin

Qabil Ajmeri

---

---

abhi to tanqid ho rahi hai mere mazaq-e-junun pe lekin
tumhaari zulfon ki barhami ka sawal aaya to kya karoge

Qabil Ajmeri

---

---

ahut kaam lene hain dard-e-jigar se
kahin zindagi ko qarar aa na jae

Qabil Ajmeri

---

---

din chhupa aur gham ke sae Dhale
aarzu ke nae charagh jale

Qabil Ajmeri

---

---

gham-e-jahan ke taqaze shadid hain warna
junun-e-kucha-e-dildar hum bhi rakhte hain

Qabil Ajmeri

---

---

hairaton ke silsile soz-e-nihan tak aa gae
hum nazar tak chahte the tum to jaan tak aa gae

Qabil Ajmeri

---

---

hum badalte hain ruKH hawaon ka
aae duniya hamare sath chale

Qabil Ajmeri

---

---