Dubone walon ko sharminda kar chuka hunga
main Dub kar hi sahi par utar chuka hunga

Muzaffar Warsi

---

---

har shaKHs par kiya na karo itna e'timad
har saya-dar shai ko shajar mat kaha karo

Muzaffar Warsi

---

---

jabhi to umr se apni ziyaada lagta hun
baDa hai mujh se kai sal tajraba mera

Muzaffar Warsi

---

---

KHud meri aankhon se ojhal meri hasti ho gai
aaina to saf hai taswir dhundli ho gai

Muzaffar Warsi

---

---

kuchh na kahne se bhi chhin jata hai ejaz-e-suKHan
zulm sahne se bhi zalim ki madad hoti hai

Muzaffar Warsi

---

---

liya jo us ki nigahon ne jaeza mera
to TuT TuT gaya KHud se rabta mera

Muzaffar Warsi

---

---

main apne ghar mein hun ghar se gae huon ki tarah
mere hi samne hota hai tazkira mera

Muzaffar Warsi

---

---

mujhe KHud apni talab ka nahin hai andaza
ye kaenat bhi thoDi hai mere kase mein

Muzaffar Warsi

---

---

pahle rag rag se meri KHun nichoDa us ne
ab ye kahta hai ki rangat hi meri pili hai

Muzaffar Warsi

---

---