aashna koi nazar aata nahin yan ai 'hawas'
kis ko main apna anis-e-kunj-e-tanhai karun

Mirza Mohammad Taqi Hawas

---

---

ai aaftab hadi-e-ku-e-nigar ho
aae bhala kabhi to hamare bhi kaam din

Mirza Mohammad Taqi Hawas

---

---

dekhen kya ab ke asiri hamein dikhlati hai
log kahte hain ki phir fasl-e-bahaar aati hai

Mirza Mohammad Taqi Hawas

---

---

dil mein ek iztirab baqi hai
ye nishan-e-shabab baqi hai

Mirza Mohammad Taqi Hawas

---

---

hum gae the us se karte shikwa-e-dard-e-firaq
muskura kar us ko dekha sab gila jata raha

Mirza Mohammad Taqi Hawas

---

---

hamari dekhiyo ghaflat na samjhe wae nadani
hamein do din ke bahlane ko umr-e-be-madar aai

Mirza Mohammad Taqi Hawas

---

---

hawas hum par hoen kyunki dariya-e-mohabbat se
qaza ne baadban-e-kashti-e-tadbir ko toDa

Mirza Mohammad Taqi Hawas

---

---

lutf-e-shab-e-mah ai dil us dam mujhe hasil ho
ek chand baghal mein ho ek chand muqabil ho

Mirza Mohammad Taqi Hawas

---

---

mathe pe laga sandal wo haar pahan nikle
hum khinch wahin qashqa zunnar pahan nikle

Mirza Mohammad Taqi Hawas

---

---