tu hi behtar hai aaina hum se
hum to itne bhi ru-shanas nahin
Meer Asar
na kaha jae ki dushman na kaha jae ki dost
kuchh samajh mein nahin aata hai 'asar' kaun hai wo
Meer Asar
pahle sau bar idhar udhar dekha
jab tujhe Dar ke ek nazar dekha
Meer Asar
ah par un ko laga lae to hain baaton mein
aur khul jaenge do-chaar mulaqaton mein
Meer Asar
aqib dekh sambhal kar ke samne aana
barahna tegh hain ek dast-e-rozgar mein hum
Meer Asar
tere aane ka ehtimal raha
marte marte bhi ye KHayal raha
Meer Asar
yar ghussa teri bala khawe
kaam nikle jo muskurane se
Meer Asar
yun KHuda ki KHudai bar-haq hai
par 'asar' ki hamein to aas nahin
Meer Asar
yun aag mein se bhag nikalna nazar bacha
apne tain to waza na bhai sharar ki
Meer Asar

