aae the be-niyaz teri bargah mein
jate hain ek hujum-e-tamanna liye hue

Matin Niazi

---

---

aadmi aur dard se na-ashna mumkin nahin
aks se KHali ho koi aaina mumkin nahin

Matin Niazi

---

---

aap se yaad aap ki achchhi
aap to hum ko bhul jate hain

Matin Niazi

---

---

aatish-e-gul koi chingari nahin shoala nahin
phul khilte hain to gulshan mera jalta kyun hai

Matin Niazi

---

---

agar duniya tujhe diwana kahti hai to kahne de
wafadaran-e-ulfat par yahi ilzam aata hai

Matin Niazi

---

---

aise khoe sahar ke diwane
luT kar sham tak na ghar aae

Matin Niazi

---

---

anasir ki koi tartib qaem rah nahin sakti
taghayyur ghair-fani hai taghayyur jawedani hai

Matin Niazi

---

---

achchon ka sa mizaj hai taKHliq-kar ka
apne siwa kisi ko baDa manta nahin

Matin Niazi

---

---

faza mein gunj rahi hain kahaniyan gham ki
hamin ko hausla-e-sharh-e-dastan na raha

Matin Niazi

---

---